2024 жылдың 25-27 желтоқсанында мектебімізде дәстүрлі жаңа жылдық іс-шаралар ұйымдастырылды. Бұл іс-шаралар әр сынып деңгейіне сай арнайы дайындалған бағдарламалар бойынша өткізілді.

2024 жылдың 25-27  желтоқсанында мектебімізде дәстүрлі жаңа жылдық іс-шаралар ұйымдастырылды. Бұл іс-шаралар әр сынып деңгейіне сай арнайы дайындалған бағдарламалар бойынша өткізілді.

1-8 сынып оқушылары үшін мектептің акт залында мерекелік бағдарламалар өткізілді. Балалар Аяз Ата мен Ақшақарды қарсы алып, олармен бірге көңілді ойындар ойнап, мерекелік әндер орындап, жаңа жылдық шыршаны айналып би биледі.
Шара барысында оқушылар өздерінің шығармашылық қабілеттерін көрсете алды: ән айтып, би билеп, өлеңдер оқыды. Әр сынып өздерінің дайындаған қойылымдарымен мерекенің шырайын ашты. Барлық балаларға мерекелік сыйлықтар таратылды. Іс-шара жылулық пен шаттыққа толы ерекше көңіл күй сыйлады.

Жоғары сынып оқушылары үшін жаңа жылдық би кеші ұйымдастырылды. Іс-шара кешкі уақытта мектептің акт залында өтті.Шара барысында оқушылар өздерін еркін әрі шығармашылық тұрғыда көрсетті. Би кешінде заманауи және дәстүрлі музыкалық композициялар орындалып, әр түрлі стилдегі билер орындалды. Оқушылар арасында ұйымдастырылған қызықты конкурстар  кештің сәнін келтірді.
Іс-шара барысында оқушылар мен ұстаздар арасындағы ынтымақтастық одан әрі нығайып, мерекелік атмосфера мектеп қабырғасында ерекше шыраймен сезілді.